ಅಟ್ಟಹಾಸ ಸಿನಿಮಾ ಟೈಟಲ್ ಕೊಟ್ಟಿದ್ದು ನಾನೇ...

-
'ಅಟ್ಟಹಾಸ'  ಫಿಲಂ ಟೈಟಲ್ ಕೊಟ್ಟಿದ್ದು ನಾನೇ...

 *ಈ ಟೈಟಲ್ ಓದಿದ ಮೇಲೆ ಬಹುಶಃ  ನಿಮ್ಮ ಮುಖದಲ್ಲೊಂದು ದ್ವಂದ್ವ ಅರ್ಥಕೊಡುವ ನಗು ಬಂದೋಗಿರಬಹುದು. ಅದು ನೀನ್ ಯ್ಯಾವಾಗ ಈ ಫಿಲಂಗೆ ಹೆಸರು ಕೊಟ್ಟಿದ್ದೆ ಅಂತಾದ್ರೂ ಇರಬಹುದು..ಅಥವಾ ಹೌದಾ? ನೀನಾ ಈ ಹೆಸರು ಕೊಟ್ಟಿದ್ದು?? ಅಂತಾದ್ರೂ ಇರಬಹುದು.. ಹೌದು. ಈ ವೀರಪ್ಪನ್ ವಿಷಯಾಧಾರಿತ 'ಅಟ್ಟಹಾಸ' ಕನ್ನಡ ಚಲನಚಿತ್ರಕ್ಕೆ ಟೈಟಲ್ ಕೊಟ್ಟಿದ್ದು ನಾಗೇಂದ್ರ ಬಂಜಗೆರೆ.  ಆದರೆ ದುರಾದೃಷ್ಟವಶಾತ್  ಆ ಚಿತ್ರತಂಡ ನನ್ನ ಹೆಸರು ಎಲ್ಲೂ ಪ್ರಸ್ತಾಪ ಮಾಡಿಲ್ಲ!.ಹಾಗಾದರೆ ನೀನು ಅಂತ ಈಗ ಹೇಳಿದರೆ ಒಪ್ಪಕ್ಕಾಗತ್ತಾ??ಅಂತ ನೀವು ಕೇಳಬಹುದು.*

*2007 ನೇ ಇಸವಿಯಲ್ಲಿ ಕೋಟೆನಾಡು ಚಿತ್ರದುರ್ಗದಲ್ಲಿ  ಡಿ ಎಡ್ ಮುಗಿಸಿ  ಕೆಲದಿನಗಳು practice teaching  ಡಿ ಇಡಿ ,ಬಿ ಇಡಿ ಹುಡುಗರಿಗೆ tlms ,paintings  ಬರೆದುಕೊಡುತ್ತಿದ್ದೆ. ಅದರಲ್ಲೇ ನನ್ನ ಜೀವನ.. ಪ್ರತೀದಿನ ಆರ್ಡರ್ ಇರುತ್ತಿರಲಿಲ್ಲ. ಕೆಳಗೋಟೆಯ ಮುನ್ಸಿಪಲ್ ಕ್ವಾಟ್ರಸ್ ಹತ್ತಿರವಿದ್ದ ಒಂದು ಹೋಟೆಲ್ ಗೆ ದಿನಾಲು ಪೇಪರ್ ಓದಕ್ಕೆ ಹೋಗುತ್ತಿದ್ದೆ.ಹಾಗೆ ಒಂದು ದಿನ ಸಂಜೆ ನಾಲ್ಕುಗಂಟೆ ಸಮಯ.. ಹೊಟ್ಟೆ ಹಸಿವಾಗಿತ್ತು.ಕಾಪಿ ಟೀ ಕುಡಿದರೆ ಅದು ಓವರ್ ಕಿಕ್ ಹೊಡೆದು ಹೆಂಗೆಂಗೋ ಆಗುತ್ತಿದ್ದರಿಂದ ಹೊಟ್ಟೆ ಹಸಿವಾದಾಗ ಬ್ರೆಡ್/ಬನ್ ತೆಗೆದುಕೊಂಡು ನೀರಲ್ಲಿ ಅದ್ದಿಕೊಂಡು ತಿನ್ನುತ್ತಾ ಪೇಪರ್ ನೋಡುತ್ತಾ ಇದ್ದೆ. ಅಂದು ಶುಕ್ರವಾರ ಆಗಿದ್ದರಿಂದ 'ಸಿನಿಮಾ ಸಮಾಚಾರಗಳ'ಪುರವಣಿ ಇದ್ದೇ ಇರುತ್ತಿತ್ತು.ಯಾವುದೋ ಒಂದು ಮೂಲೆಯಲ್ಲಿ ಒಂದು ಪ್ರಕಟಣೆ ನನ್ನ ಕಣ್ಣಿಗೆ ಬಿತ್ತು.  ಅದೇನೆಂದರೆ ಯಾವುದೋ ಚಿತ್ರ ನಿರ್ಮಾಣದ ಹೆಸರು ಹಾಕಿ ವೀರಪ್ಪನ್ ವಿಷಯಾಧಾರಿತವಾಗಿ  ಚಲನ ಚಿತ್ರ ತೆಗೆಯಲು ಉದ್ದೇಶಿಸಲಾಗಿದೆ.ನೀವೂ ಟೈಟಲ್ ಕೊಡಬಹುದು. ಸೂಕ್ತ ಟೈಟಲ್ ಕೊಟ್ಟವರಿಗೆ ಬಹುಮಾನ ಅಂತ ಇತ್ತು.ಅದನ್ನು ನೋಡಿದ ನಾನು ಆ ಹೋಟೆಲ್ ಮಾಲಿಕರನ್ನು ಕೇಳಿ ಆ ಪುಟವನ್ನು ರೂಂ ಗೆ ತೆಗದುಕೊಂಡು ಹೋಗಿದ್ದೆ.*

 *ಆಗ ಮಾಡಲಿಕ್ಕೇ ಏನು ಕೆಲಸ ಇರಲಿಲ್ಲ. ಆ ಪೇಪರ್ ಹಿಡಿದು ಹಾಗೆ ಕುಳಿತು ವೀರಪ್ಪನ್ ಕೃತ್ಯಗಳನ್ನು ನನಗೆ ಗೊತ್ತಿದ್ದಷ್ಟು ಜ್ಞಾಪಿಸಿಕೊಂಡು "ಅಟ್ಟಹಾಸ" ಎಂದು ಪೈನಲ್ ಮಾಡಿದೆ. ಆ ಚಿತ್ರತಂಡದವರಿಗೆ ನನ್ನದೇ ಆದ ಡಿಸೈನ್ ಲ್ಲಿ ಟೈಟಲ್ ನ್ನೂ ಒಂದು ಪೋಸ್ಟ್ ಕಾರ್ಡಲ್ಲಿ ಬರೆದೂ ಕಳಿಸಿದೆ.ಒಂದೆರೆಡು ವರ್ಷಗಳೇ ಕಳೆದರೂ ಆ ಸಿನಿಮಾದ ಬಗ್ಗೆ ಎಲ್ಲೂ ಏನೂ ಮಾಹಿತಿ ಸಿಗಲಿಲ್ಲ. ನಾಲ್ಕು ವರ್ಷದ ನಂತರ ಅಟ್ಟಹಾಸ ಚಿತ್ರ ತೆರೆಗೆ ಬಂತು. ಆಗ ನನಗನಿಸಿದ್ದು* *ನಾನ್ ಕೊಟ್ಟ ಹೆಸರು ತಗೊಂಡ್ ನನಗೆ ಒಂದು ಮಾತು ಹೇಳಿಲ್ಲ ನೋಡು ಎಂದು ಬಹಳ ನೋವಾಯಿತು. ಆಗ ಇದನ್ನು ಕೇಳಲು ನನ್ನ ಬಳಿ ಯಾವುದೇ ಸೂಕ್ತ ದಾಖಲೆಗಳೂ ಇರಲಿಲ್ಲ. ಈಗಲೂ ನನ್ನ ಬಳಿ ಇದನ್ನು ಬೆಂಬಲಿಸಲು ಯಾವುದೇ ದಾಖಲೆ ,ಪತ್ರಗಳು ಇಲ್ಲ. ಈ ದಾಖಲೆಗಳ ಪ್ರಪಂಚದಲ್ಲಿ ದಾಖಲಾತಿಗಳು ಇದ್ದರೂ ನಂಬುವುದು ಕಷ್ಟ..ಆದರೆ ನಾನು ಕೊಟ್ಟದ್ದು ನಿಜ,ನಾನು ಕೊಟ್ಟ ಟೈಟಲ್  ಸೆಲೆಕ್ಟ್ ಆಗಿದ್ದು ನಿಜ.*
*ಇರುವ ವಾಸ್ತವವನ್ನು ಹಂಚಿಕೊಂಡೆ...😀😀*

✍️ನಾಗೇಂದ್ರ ಬಂಜಗೆರೆ.

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾನನ ಸ್ನಾನ...

-
ಇಮೇಜ್
ಕಾನನ ಸ್ನಾನ.. ಜಪಾನ್ ದೇಶದ ಹೆಸರು ಕೇಳದವರು ಯಾರಿದ್ದಾರೆ??? ಅಂದಾಜು 12 ಕೋಟಿ ಜನಸಂಖ್ಯೆ ಇರುವ ಈ ದೇಶ  ಎರಡನೇ ಪ್ರಪಂಚ ಯುದ್ಧದ ನಂತರ ಫಿನಿಕ್ಸ್ ನಂತೆ ಎದ್ದು ಜಾಗತಿಕವಾಗಿ ವಿಶಿಷ್ಟವಾದ ಅಭಿವೃದ್ಧಿ ಆಲೋಚನೆಗಳಿಂದ ತನ್ನ ಅಸ್ತಿತ್ವವನ್ನು ಮಾದರಿಯಾಗಿ ಉಳಿಸಿಕೊಂಡಿದೆ. ಭಾರತೀಯರ ಜೀವಿತಾವಧಿ ಸರಾಸರಿ 65 ರಿಂದ 70 ವರ್ಷವಾದರೆ ಜಪಾನಿಯರ ಜೀವಿತಾವಧಿ ಸರಾಸರಿ 79 ರಿಂದ 90 ವರ್ಷ.! ಅಣು ಬಾಂಬನಿಂದ ನಲುಗಿದ ನಾಡಿನಲ್ಲಿ ಹುಟ್ಟುವ ಜನ ಅದೆಷ್ಟು ವರ್ಷ ಬದುಕಿಯಾರು?? ಜಗತ್ತಿನದ್ಯಂತ ಮಾತಾಡಿದ ಇಂತಹ ಉಡಾಫೆ ಜನಗಳಿಗೆ ಮಾದರಿಯಾಗಿಯೇ ಇದೆ. ಅವರ ಜೀವನಶೈಲಿ, ವೈಜ್ಞಾನಿಕ ಮತ್ತು ಪ್ರಗತಿಪರ ಆಲೋಚನೆ, ಪ್ರಕೃತಿಯೊಂದಿಗಿನ ಸಾಮರಸ್ಯತೆ  ಜಪಾನೀಯರನ್ನು  ಮತ್ತು ಅವರ ಬದುಕಿನ ಆಯುಷ್ಯವನ್ನು ಭಾರತೀಯರಿಗಿಂತಲೂ, ಇನ್ನಿತರ ದೇಶಗಳಿಗಿಂತಲೂ  ಹೆಚ್ಚಿನ ಮಟ್ಟದಲ್ಲಿ ಸುಧಾರಿಸಿದೆ. ಅಂತದ್ದೊಂದು ಆಚರಣೆಗಳಲ್ಲಿ ಜಪಾನಿಯರು ನಂಬಿರುವಂತಹ ಒಂದು ಪ್ರಕೃತಿ ಚಿಕಿತ್ಸೆ ಎಂದರೆ ಅದು ಅರಣ್ಯ ಸ್ನಾನ. ಅರಣ್ಯ ಸ್ನಾನ ಎಂದರೇ ಪಂಚೇಂದ್ರಿಯಗಳ ಮೂಲಕ ಅರಣ್ಯದ  ಆಗುಹೋಗುಗಳನ್ನು ನೈಜವಾಗಿ ಅನುಭವಿಸುವುದು. ಅಂದರೆ ಹಸಿರು ಸಮೃದ್ಧಿಯ ಅಸ್ವಾದನೆ, ಶುದ್ಧ ಆಮ್ಲಜನಕ ಸೇವನೆ, ಪಕ್ಷಿಗಳ ಕಲರವ ಆಲಿಸುವಿಕೆ ಇತ್ಯಾದಿ.  ನನಗೇನು 90 -100 ವರ್ಷ ಬದುಕುವ ಆಸೆ ಇಲ್ಲವಾದರೂ ಹೆಚ್ಚು ನಡೆಯದೆ ಜಡವಾಗಿರುವ ದೇಹಕ್ಕೆ ಒಂದಷ್ಟು ಕೆಲಸ ಕೊಡಲ...
ಇನ್ನಷ್ಟು ಓದಿ

ಗುಡ್ಡದ ಭೂತ...

-
ಇಮೇಜ್
#ಗುಡ್ಡದ_ಭೂತ  ನಾನು ಉದ್ಯೋಗ ಅರಸಿ ಬಳ್ಳಾರಿಗೆ ಬಂದು ಎರಡು ದಶಕಗಳು ಸಮೀಪಿಸಿವೆ. ಬಳ್ಳಾರಿ ಮೋತಿ ಸರ್ಕಲ್ ನ  ರೈಲ್ವೆ ಟ್ರ್ಯಾಕ್ ಸಮೀಪ ನೈರುತ್ಯ ದಿಕ್ಕಿಗೆ ನೋಡಿದರೆ ದೂರದಲ್ಲೊಂದು ಬೆಟ್ಟದ ಸಾಲು ಕಾಣಿಸುವುದು. ಗಣಿಗಾರಿಕೆ ಉತ್ತುಂಗದಲ್ಲಿದ್ದಾಗ ಅಲ್ಲಿ ಕೇಳಿಸುತ್ತಿದ್ದು ಡೈನಮೈಟ್  ಸದ್ದು, ಕಾಣಿಸುತ್ತಿದ್ದುದು ಕೆಂಧೂಳು, ರಕ್ಕಸ ಲಾರಿಗಳ ಸಾಲು ಒಮ್ಮೆಯಾದ್ರೂ ಅಲ್ಲಿಗೆ ಹೋಗಬೇಕೆನ್ನುವ ಬಯಕೆ ನನ್ನನ್ನು ಸದಾ ಕಾಡುತ್ತಿತ್ತು. ಹೇಳಿಕೇಳಿ ಸುಮಾರು 15 -16 ವರ್ಷಗಳ ಕಾಲ ಅದೇ ಗುಡ್ಡದ ಸಾಲಿನಲ್ಲಿ ನನ್ನ ಕರ್ಮಸ್ಥಳವು ಆಗಿತ್ತು. ಆದರೆ ಅದು ಯಾಕೋ ಅಲ್ಲಿಯವರೆಗೂ ಹೋಗಿ ತಲುಪಲು ಸಾಧ್ಯ ಆಗಲೇ ಇಲ್ಲ. ನನ್ನ ಮಡದಿ ಕುಮುದಾಳಿಗೆ ಆ ಗುಡ್ಡವನ್ನು ತೋರಿಸಿ ಅಲ್ಲಿ ಬೆಳ್ಳಗೆ ಕಾಣಿಸ್ತಾ ಇದೆಯಲ್ಲ ಅಲ್ಲಿಗೆ ಒಂದು ದಿನ ಹೋಗಬೇಕು ಎಂದು ಸದಾ ಹೇಳುತ್ತಿದ್ದೆ. ಒಂದೆರಡು ಬಾರಿ ಕೇಳಿದ ಅವಳು ಮೂರು ನಾಲ್ಕನೇ ಬಾರಿ ಹೇಳಿದಾಗ 'ನಿಮಗೊಂದು ಗುಡ್ಡದ ಭೂತ ಹಿಡಿದಿದೆ' ಎಂದು ಚೇಡಿಸುತ್ತಿದ್ದಳು. ಹೋಗ್ತೀನಿ ಒಂದಲ್ಲ ಒಂದು ದಿನ ನಾನಲ್ಲಿಗೆ ಹೋಗಿಯೇ ಹೋಗುತ್ತೇನೆ ಎಂದು ಹೇಳುತ್ತಿದ್ದೆ. ಒಂದು ವರ್ಷದಿಂದ ಈಚೆಗೆ ಯಾವುದಾದರೂ ಸರ್ಕಾರಿ ರಜೆ ದಿನಗಳು ಮತ್ತು ಭಾನುವಾರ ಎಲ್ಲಿಯಾದರೂ ಹೀಗೆ ಗುಡ್ಡ ಬೆಟ್ಟ ಇಷ್ಟದ ಸ್ಥಳಗಳನ್ನ ಸುತ್ತುವ ಅಭ್ಯಾಸ  ಮಾಡಿಕೊಂಡಿದ್ದೇನೆ. ಜೊತೆಗೆ ಯಾರನ್ನಾದರೂ ಕರೆಯೋಣ ಎಂದರೆ ಬೆಳಿಗ್ಗೆ 4- 5 ಗಂಟೆಗೆ ಎದ್ದು ನನ್ನ ಜ...
ಇನ್ನಷ್ಟು ಓದಿ

ಸಂಗನಕಲ್ಲು ಮತ್ತು ಶಬ್ಧದ ಕಲ್ಲುಗಳು..

-
ಇಮೇಜ್
ನಾ ಕಂಡ ಸಂಗನಕಲ್ಲು.... ಒಂದೆರಡು ದಿನಗಳಿಂದ ಬಳ್ಳಾರಿಯಲ್ಲಿ ಸ್ವಲ್ಪ ಮಳೆ. ಮಳೆ ಎಂದರೇ ಬಿಟ್ಟು ಬಿಡದೇ ಸುರಿಯುವುದಲ್ಲ ಬದಲಾಗಿ ಬರೀ ಬಿಸಿಲು ಗಾಳಿಯಲ್ಲದ ದಿನಕೊಮ್ಮೆಯೋ ಎರಡು ಬಾರಿಯೋ  ಹತ್ತಿಪ್ಪತ್ತು ನಿಮಿಷ ಬಂದೋಗುವ ಸಾಧಾರಣ ಮಳೆ.. ನಮ್ಮ್ ಉಡುಪಿ ಮಂಗಳೂರಿಂನಂತಹ ಕರಾವಳಿ ಭಾಗದಲ್ಲಿ ಎಷ್ಟು ಮಳೆ ಸುರಿದರೂ ಮಳೆ ನಿಂತ ಮರು ಕ್ಷಣ ಮಳೆಯೇ ಬಂದಿಲ್ಲದಂತಹ ಉರಿ ನಮ್ಮ ಬಯಲು ಸೀಮೆಕಡೆ ಇರುವುದಿಲ್ಲ... ಒಮ್ಮೆ ಮಳೆ ಸುರಿದರೆ ಮೂರು ನಾಲ್ಕು ದಿನ ಕೆಸರು  ತಂಪು ಇದ್ದೇ ಇರುತ್ತದೆ. ನಾಳೆ ಸಂಡೇ ಎಲ್ಲಿಗಾದರೂ ಹೋಗೋಣ ಎಂದು ಯೋಚನೆ ಮಾಡಿದಾಗ ನೆನಪಾಗಿದ್ದು ಬಳ್ಳಾರಿಯ ಸಂಗನಕಲ್ಲು. ಹೆಗಲಿಗೆ ಕ್ಯಾಮೆರಾ ಹಾಕಿ, ಗಾಡಿ ಹತ್ತಿ ಹೋಗಿ ಇಳಿದದ್ದು ಸಂಗನಕಲ್ಲಿನ ತಪ್ಪಲಿನಲ್ಲಿ.    ಸುಮಾರು ಮೂರು ಲಕ್ಷ ವರ್ಷಗಳ ಹಿಂದೆ ಜ್ವಾಲಾಮುಖಿಯ ಪರಿಣಾಮದಿಂದ   ನಿರ್ಮಾಣವಾದ  spike ಬೆಟ್ಟವೇ ಈ ಸಂಗನಕಲ್ಲುಗಳ ರಾಶಿ. ಜ್ವಾಲಾಮುಖಿಯಾಗಿ ಗುಡ್ಡ ರಚನೆಯಾದ ಕಾಲದಲ್ಲಿ    ಭೂಮಿಯ ಅಂತರಾಳದಲ್ಲಿ(Mantal) ಸುಮಾರು 70 ಕಿಲೋ ಮೀಟರ್ ಆಳದಲ್ಲಿ ಉದುಗಿದ್ದ ಆಲಿವಿನ್ ಡಯಾಬೇಸ್ ಅಥವಾ ಆಲಿವಿನ್ ಬಸಾಲ್ಟ್  ಕಲ್ಲಿನ ರಾಶಿ ಮ್ಯಾಂಟಲ್ ನಲ್ಲಿನ ಕೆಲವು  ಅಡಚಣೆಗಳಿಂದಾಗಿ ಭೂಮಿಯ ಮೇಲ್ಮೈ ಮೇಲೆ ಬರುತ್ತವೆ. ಜ್ವಾಲಾಮುಖಿ ಸ್ವರೂಪದ ಗಟ್ಟಿಹುಂಡೆಗಳಂತಹ ಕಲ್ಲುಗಳನ್ನ ಈಗಲೂ ಕೂಡ ನಾವು ಅಲ್ಲಿ ಕಾಣಬ...
ಇನ್ನಷ್ಟು ಓದಿ