ಅಭಿವೃದ್ಧಿಯ ಅವೈಜ್ಞಾನಿಕ ಕಥೆ..

-
#ದೇಶದ_ಪ್ರಗತಿಯ_ಅವೈಜ್ಞಾನಿಕ_ಕಥೆ...

ನೀವು ಕೆಲವು ಫಾರಿನ್ ರಸ್ತೆಗಳ ವೀಡಿಯೋ ನೋಡಿರಬಹುದು. ಎಂತಹ ಹೆದ್ದಾರಿಗಳಾದರೂ ಅವು ಸಾಮಾನ್ಯ ನೆಲಮಟ್ಟಕ್ಕೆ ಸರಿ ಸಮಾನವಾದ ಎತ್ತರದಲ್ಲಿಯೇ ಇರುತ್ತಾವೆ. ಆದರೆ ನಮ್ಮ ದೇಶದ ರಸ್ತೆಗಳು ಆಯಾ ರಸ್ತೆಯ ಹೆಸರಿಗೆ ತಕ್ಕಂತೆ ಎತ್ತರ ಮಾಡಿಕೊಂಡಿದ್ದೇವೆ. ನಮ್ಮ ದೇಶದ ಹಳೇ ಊರುಗಳನ್ನೋ ಹಳೇ ಟೌನ್ಗಳನ್ನೋ ನೋಡಿದರೆ ರಸ್ತೆಗೂ ಅಂದು ಕಟ್ಟಡ ಕಟ್ಟಿದ ಹೊಸಲಿನ ಮಟ್ಟಕ್ಕೂ (ground level)ಕನಿಷ್ಠ  ನಾಲ್ಕೈದು ಅಡಿಗಳಷ್ಟು  ವ್ಯತ್ಯಾಸದ ಎತ್ತರದಲ್ಲಿ ನಮ್ಮ ರಸ್ತೆಗಳು ಇವೆ. ಯಾಕೆ ಹಿಂಗಾಯ್ತು??ಇದು ಅಭಿವೃದ್ಧಿಯೋ ಅದಃಪತನವೂ??

ನಮ್ಮ ಸಿಟಿಗಳಲ್ಲಿ/ಊರುಗಳಲ್ಲಿ ಸರಾಸರಿ ಪ್ರತಿ ಅರವತ್ತು ಅಡಿಗೊಂದರಂತೆ  ಒಂದೊಂದು ರಸ್ತೆಗಳು ಇವೆ. ಸರ್ಕಾರದ ನಾನಾ ಯೋಜನೆಗಳಲ್ಲಿ ರಸ್ತೆಯ ಅಭಿವೃದ್ಧಿಗೆ ಬಿಡುಗಡೆಯಾಗುವ ಹಣದ ಬಳಕೆ ಮತ್ತು ದುರ್ಬಳಕೆಯ ವಿಧಾನವೇ ನೆಲ ಮಟ್ಟದಿಂದ ಎತ್ತರದಲ್ಲಿ ರಸ್ತೆಗಳ ಮಾಡಿರುವುದು. ರಸ್ತೆಗಳನ್ನು ಎತ್ತರಿಸಿದ ಕಾರಣ   ರಸ್ತೆಯ ಮೇಲಿನ ನೀರು ಮನೆಯ ಮೇಲಿನ ಮಳೆಯ ನೀರು ತಗ್ಗು ಪ್ರದೇಶಗಳಲ್ಲಿ ಸಂಗ್ರಹವಾಗುವುದು ಸಾಮಾನ್ಯ.ಆ ನೀರು ಮನೆಯ ಒಳಗಡೆಯೂ ಬರುವುದು ಮನೆಯ ಅಡಿಯೂ ಹೋಗಿ ಮನೆಗಳು ಕುಸಿಯುವಂತೆ ಮಾಡುವುದು.ನೀರು ಅತಿಯಾಗಿ ರಸ್ತೆ ಕೊಚ್ಚಿಹೋಗುವುದು,ಕೆಲವೊಮ್ಮೆ ನೀರು ಹೊರಹಾಕಲು ಉದ್ದೇಶಪೂರ್ವಕವಾಗಿ ಜೆಸಿಬಿಗಳ ತರಿಸಿ ರಸ್ತೆ ಬಗೆದು ಗುಂಡಿ ಮಾಡಿ ನೀರು ಹೊರಗೆ ಬಿಡುವುದು ಸಾಮಾನ್ಯ. ಹಾಗಾದರೆ ರಸ್ತೆಗಳ ಎತ್ತರಿಸಿದ್ದು ಅಭಿವೃದ್ಧಿಗಾಗಿಯೋ ಅವನತಿಗಾಗಿಯೋ??

ಇನ್ನೂ ಹೆದ್ದಾರಿಗಳ ವಿಷಯಕ್ಕೆ ಬಂದರೆ  ಒಂದು ಕಿಲೋಮೀಟರ್ ಗೆ ಕೋಟಿ- ಎರಡು ಕೋಟಿಯಷ್ಟು ಬಿಡುಗಡೆಯಾದ ಹಣದ ಸದ್ಬಳಕೆಯ ಲೆಕ್ಕ ಪರಿಶೋಧಕರ ಕಣ್ಣಿಗೆ ಕಾಣುವಂತೆ ತೋರಿಸುವ   highly planned engineering ಕಾಮಗಾರಿಗಳೇ  ಈ ಹೆದ್ದಾರಿ ನಿರ್ಮಾಣಗಳು. ರಸ್ತೆಗೆ ನೀರು ಬಾರದಿರಲು(ಬರಲು)ಎತ್ತರದ ಭೂ ಪ್ರದೇಶವ ತಗ್ಗು ಮಾಡಿ..(under ground) ತಗ್ಗು ಪ್ರದೇಶಗಳ ಎತ್ತರಿಸಿ ಪ್ಲೈ ಓವರ್ ರಸ್ತೆಗಳ ಮಾಡಿ ಹೆದ್ದಾರಿಗಾಗಿ ನೀರಿನ ಹೆದ್ದಾರಿಯ ಮುಚ್ಚಿದ ಕಾರಣ ಇಂದು ಊರು ರಸ್ತೆಗಳೆಲ್ಲಾ ಕೆರೆಯಂತಾಗಿವೆ.!

ರಸ್ತೆ ಮಾಡಿದವರು, ಮಾಡಿಸಿದವರ ಹಣಬಲ ಜಾಸ್ತಿಯಾಯಿತು ಬಿಟ್ಟರೆ ವಾಸ್ತವವಾಗಿ ಇಂತಹ  ಯೋಜನೆಗಳ ಕಾಲೋನಿಯ ಫಲಾನುಭವಿಗಳಿಗೆ ಸಿಕ್ಕಿದ್ದು   ಮ್ಯಾನ್ ಹೋಲ್ ನಿಂದ  ಬುಗ್ಗೆಯಂತೆ ಬಂದ ಕೊಚ್ಚೆಯ ನೀರು !  ರಸ್ತೆಗಳು ಪ್ರಗತಿಯ ಸಂಕೇತ ಎಂದು ನಾವು ತಿಳಿದಿದ್ದೇವೆ. ಆದರೆ ಪ್ರಕೃತಿಯ ಹರಿವಿಗೆ ವಿರುದ್ದವಾಗಿ ರಸ್ತೆಯ ಮಾಡಿದ್ದು ಪ್ರಗತಿಗೆ ಮಾರಕ ಎಂಬುದನ್ನು ಮರೆತಿದ್ದೇವೆ.ಇದಕ್ಕೆ ಪ್ರಮುಖ ಉದಾಹರಣೆ ಎಂದರೆ ಕಳೆದ ವಾರ ಬೆಂಗಳೂರು-ಮೈಸೂರು ನೈಸ್ ರಸ್ತೆ, ರಾಮನಗರ ಕನಕಪುರ  ಭಾಗದ ಎಲ್ಲಾ ರಸ್ತೆಗಳು ಮುಳುಗಿದ್ದು.  ಹೆದ್ದಾರಿಗಳಲ್ಲಿ ಪ್ರಮುಖವಾಗಿ ಗುರುತಿಸಲ್ಪಡುವ ನೈಸ್ ರಸ್ತೆ ಮುಳುಗಿದ್ದು ಯಾಕೆ?  ಈ ಭೂಮಿಯ ಮೇಲೆ ಮನುಷ್ಯ ಹುಟ್ಟುವ ಮೊದಲೇ ನೀರು ತನ್ನದೇ ಆದ ಹರಿಯಯವ ಹಾದಿಯನ್ನು ಕಟ್ಟಿಕೊಂಡಿತ್ತು.ಅದರ ದಾರಿಗೆ ವಿರುದ್ಧವಾದ ಹಾದಿಯನ್ನು ಮಾನವ ನಿರ್ಮಿಸಿದ್ದರ ಫಲ ಇಂದು ಅನುಭವಿಸುತ್ತಿದ್ದೇವೆ. ಮೇಲಾಗಿ ನಾವೇ ಬಳಸಿ ಎಸೆದ ಪ್ಲಾಸ್ಟಿಕ್ ವಾಟರ್ ಬಾಟಲ್, ಹಳೆಯ ಹಾಸಿಗೆ ಬಟ್ಟೆಗಳು  ನೀರಿನ ಹರಿವಿಗೆ ಅಡ್ಡವಾಗಿವೆ. ಇನ್ನಾದರೂ ನಿಲ್ಲಿಸಿ ವೈಜ್ಞಾನಿಕ ರಸ್ತೀಕರಣ/ನಗರೀಕರಣ ಬೆಳವಣಿಗೆಯ ಹೆಸರ ಅವೈಜ್ಞಾನಿಕತೆಯಲಿ ಮುಳುಗದಿರಲಿ ಜನರ ಬದುಕು..🙏

✍️ನಾಗೇಂದ್ರ ಬಂಜಗೆರೆ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾನನ ಸ್ನಾನ...

-
ಇಮೇಜ್
ಕಾನನ ಸ್ನಾನ.. ಜಪಾನ್ ದೇಶದ ಹೆಸರು ಕೇಳದವರು ಯಾರಿದ್ದಾರೆ??? ಅಂದಾಜು 12 ಕೋಟಿ ಜನಸಂಖ್ಯೆ ಇರುವ ಈ ದೇಶ  ಎರಡನೇ ಪ್ರಪಂಚ ಯುದ್ಧದ ನಂತರ ಫಿನಿಕ್ಸ್ ನಂತೆ ಎದ್ದು ಜಾಗತಿಕವಾಗಿ ವಿಶಿಷ್ಟವಾದ ಅಭಿವೃದ್ಧಿ ಆಲೋಚನೆಗಳಿಂದ ತನ್ನ ಅಸ್ತಿತ್ವವನ್ನು ಮಾದರಿಯಾಗಿ ಉಳಿಸಿಕೊಂಡಿದೆ. ಭಾರತೀಯರ ಜೀವಿತಾವಧಿ ಸರಾಸರಿ 65 ರಿಂದ 70 ವರ್ಷವಾದರೆ ಜಪಾನಿಯರ ಜೀವಿತಾವಧಿ ಸರಾಸರಿ 79 ರಿಂದ 90 ವರ್ಷ.! ಅಣು ಬಾಂಬನಿಂದ ನಲುಗಿದ ನಾಡಿನಲ್ಲಿ ಹುಟ್ಟುವ ಜನ ಅದೆಷ್ಟು ವರ್ಷ ಬದುಕಿಯಾರು?? ಜಗತ್ತಿನದ್ಯಂತ ಮಾತಾಡಿದ ಇಂತಹ ಉಡಾಫೆ ಜನಗಳಿಗೆ ಮಾದರಿಯಾಗಿಯೇ ಇದೆ. ಅವರ ಜೀವನಶೈಲಿ, ವೈಜ್ಞಾನಿಕ ಮತ್ತು ಪ್ರಗತಿಪರ ಆಲೋಚನೆ, ಪ್ರಕೃತಿಯೊಂದಿಗಿನ ಸಾಮರಸ್ಯತೆ  ಜಪಾನೀಯರನ್ನು  ಮತ್ತು ಅವರ ಬದುಕಿನ ಆಯುಷ್ಯವನ್ನು ಭಾರತೀಯರಿಗಿಂತಲೂ, ಇನ್ನಿತರ ದೇಶಗಳಿಗಿಂತಲೂ  ಹೆಚ್ಚಿನ ಮಟ್ಟದಲ್ಲಿ ಸುಧಾರಿಸಿದೆ. ಅಂತದ್ದೊಂದು ಆಚರಣೆಗಳಲ್ಲಿ ಜಪಾನಿಯರು ನಂಬಿರುವಂತಹ ಒಂದು ಪ್ರಕೃತಿ ಚಿಕಿತ್ಸೆ ಎಂದರೆ ಅದು ಅರಣ್ಯ ಸ್ನಾನ. ಅರಣ್ಯ ಸ್ನಾನ ಎಂದರೇ ಪಂಚೇಂದ್ರಿಯಗಳ ಮೂಲಕ ಅರಣ್ಯದ  ಆಗುಹೋಗುಗಳನ್ನು ನೈಜವಾಗಿ ಅನುಭವಿಸುವುದು. ಅಂದರೆ ಹಸಿರು ಸಮೃದ್ಧಿಯ ಅಸ್ವಾದನೆ, ಶುದ್ಧ ಆಮ್ಲಜನಕ ಸೇವನೆ, ಪಕ್ಷಿಗಳ ಕಲರವ ಆಲಿಸುವಿಕೆ ಇತ್ಯಾದಿ.  ನನಗೇನು 90 -100 ವರ್ಷ ಬದುಕುವ ಆಸೆ ಇಲ್ಲವಾದರೂ ಹೆಚ್ಚು ನಡೆಯದೆ ಜಡವಾಗಿರುವ ದೇಹಕ್ಕೆ ಒಂದಷ್ಟು ಕೆಲಸ ಕೊಡಲ...
ಇನ್ನಷ್ಟು ಓದಿ

ಗುಡ್ಡದ ಭೂತ...

-
ಇಮೇಜ್
#ಗುಡ್ಡದ_ಭೂತ  ನಾನು ಉದ್ಯೋಗ ಅರಸಿ ಬಳ್ಳಾರಿಗೆ ಬಂದು ಎರಡು ದಶಕಗಳು ಸಮೀಪಿಸಿವೆ. ಬಳ್ಳಾರಿ ಮೋತಿ ಸರ್ಕಲ್ ನ  ರೈಲ್ವೆ ಟ್ರ್ಯಾಕ್ ಸಮೀಪ ನೈರುತ್ಯ ದಿಕ್ಕಿಗೆ ನೋಡಿದರೆ ದೂರದಲ್ಲೊಂದು ಬೆಟ್ಟದ ಸಾಲು ಕಾಣಿಸುವುದು. ಗಣಿಗಾರಿಕೆ ಉತ್ತುಂಗದಲ್ಲಿದ್ದಾಗ ಅಲ್ಲಿ ಕೇಳಿಸುತ್ತಿದ್ದು ಡೈನಮೈಟ್  ಸದ್ದು, ಕಾಣಿಸುತ್ತಿದ್ದುದು ಕೆಂಧೂಳು, ರಕ್ಕಸ ಲಾರಿಗಳ ಸಾಲು ಒಮ್ಮೆಯಾದ್ರೂ ಅಲ್ಲಿಗೆ ಹೋಗಬೇಕೆನ್ನುವ ಬಯಕೆ ನನ್ನನ್ನು ಸದಾ ಕಾಡುತ್ತಿತ್ತು. ಹೇಳಿಕೇಳಿ ಸುಮಾರು 15 -16 ವರ್ಷಗಳ ಕಾಲ ಅದೇ ಗುಡ್ಡದ ಸಾಲಿನಲ್ಲಿ ನನ್ನ ಕರ್ಮಸ್ಥಳವು ಆಗಿತ್ತು. ಆದರೆ ಅದು ಯಾಕೋ ಅಲ್ಲಿಯವರೆಗೂ ಹೋಗಿ ತಲುಪಲು ಸಾಧ್ಯ ಆಗಲೇ ಇಲ್ಲ. ನನ್ನ ಮಡದಿ ಕುಮುದಾಳಿಗೆ ಆ ಗುಡ್ಡವನ್ನು ತೋರಿಸಿ ಅಲ್ಲಿ ಬೆಳ್ಳಗೆ ಕಾಣಿಸ್ತಾ ಇದೆಯಲ್ಲ ಅಲ್ಲಿಗೆ ಒಂದು ದಿನ ಹೋಗಬೇಕು ಎಂದು ಸದಾ ಹೇಳುತ್ತಿದ್ದೆ. ಒಂದೆರಡು ಬಾರಿ ಕೇಳಿದ ಅವಳು ಮೂರು ನಾಲ್ಕನೇ ಬಾರಿ ಹೇಳಿದಾಗ 'ನಿಮಗೊಂದು ಗುಡ್ಡದ ಭೂತ ಹಿಡಿದಿದೆ' ಎಂದು ಚೇಡಿಸುತ್ತಿದ್ದಳು. ಹೋಗ್ತೀನಿ ಒಂದಲ್ಲ ಒಂದು ದಿನ ನಾನಲ್ಲಿಗೆ ಹೋಗಿಯೇ ಹೋಗುತ್ತೇನೆ ಎಂದು ಹೇಳುತ್ತಿದ್ದೆ. ಒಂದು ವರ್ಷದಿಂದ ಈಚೆಗೆ ಯಾವುದಾದರೂ ಸರ್ಕಾರಿ ರಜೆ ದಿನಗಳು ಮತ್ತು ಭಾನುವಾರ ಎಲ್ಲಿಯಾದರೂ ಹೀಗೆ ಗುಡ್ಡ ಬೆಟ್ಟ ಇಷ್ಟದ ಸ್ಥಳಗಳನ್ನ ಸುತ್ತುವ ಅಭ್ಯಾಸ  ಮಾಡಿಕೊಂಡಿದ್ದೇನೆ. ಜೊತೆಗೆ ಯಾರನ್ನಾದರೂ ಕರೆಯೋಣ ಎಂದರೆ ಬೆಳಿಗ್ಗೆ 4- 5 ಗಂಟೆಗೆ ಎದ್ದು ನನ್ನ ಜ...
ಇನ್ನಷ್ಟು ಓದಿ

ಸಂಗನಕಲ್ಲು ಮತ್ತು ಶಬ್ಧದ ಕಲ್ಲುಗಳು..

-
ಇಮೇಜ್
ನಾ ಕಂಡ ಸಂಗನಕಲ್ಲು.... ಒಂದೆರಡು ದಿನಗಳಿಂದ ಬಳ್ಳಾರಿಯಲ್ಲಿ ಸ್ವಲ್ಪ ಮಳೆ. ಮಳೆ ಎಂದರೇ ಬಿಟ್ಟು ಬಿಡದೇ ಸುರಿಯುವುದಲ್ಲ ಬದಲಾಗಿ ಬರೀ ಬಿಸಿಲು ಗಾಳಿಯಲ್ಲದ ದಿನಕೊಮ್ಮೆಯೋ ಎರಡು ಬಾರಿಯೋ  ಹತ್ತಿಪ್ಪತ್ತು ನಿಮಿಷ ಬಂದೋಗುವ ಸಾಧಾರಣ ಮಳೆ.. ನಮ್ಮ್ ಉಡುಪಿ ಮಂಗಳೂರಿಂನಂತಹ ಕರಾವಳಿ ಭಾಗದಲ್ಲಿ ಎಷ್ಟು ಮಳೆ ಸುರಿದರೂ ಮಳೆ ನಿಂತ ಮರು ಕ್ಷಣ ಮಳೆಯೇ ಬಂದಿಲ್ಲದಂತಹ ಉರಿ ನಮ್ಮ ಬಯಲು ಸೀಮೆಕಡೆ ಇರುವುದಿಲ್ಲ... ಒಮ್ಮೆ ಮಳೆ ಸುರಿದರೆ ಮೂರು ನಾಲ್ಕು ದಿನ ಕೆಸರು  ತಂಪು ಇದ್ದೇ ಇರುತ್ತದೆ. ನಾಳೆ ಸಂಡೇ ಎಲ್ಲಿಗಾದರೂ ಹೋಗೋಣ ಎಂದು ಯೋಚನೆ ಮಾಡಿದಾಗ ನೆನಪಾಗಿದ್ದು ಬಳ್ಳಾರಿಯ ಸಂಗನಕಲ್ಲು. ಹೆಗಲಿಗೆ ಕ್ಯಾಮೆರಾ ಹಾಕಿ, ಗಾಡಿ ಹತ್ತಿ ಹೋಗಿ ಇಳಿದದ್ದು ಸಂಗನಕಲ್ಲಿನ ತಪ್ಪಲಿನಲ್ಲಿ.    ಸುಮಾರು ಮೂರು ಲಕ್ಷ ವರ್ಷಗಳ ಹಿಂದೆ ಜ್ವಾಲಾಮುಖಿಯ ಪರಿಣಾಮದಿಂದ   ನಿರ್ಮಾಣವಾದ  spike ಬೆಟ್ಟವೇ ಈ ಸಂಗನಕಲ್ಲುಗಳ ರಾಶಿ. ಜ್ವಾಲಾಮುಖಿಯಾಗಿ ಗುಡ್ಡ ರಚನೆಯಾದ ಕಾಲದಲ್ಲಿ    ಭೂಮಿಯ ಅಂತರಾಳದಲ್ಲಿ(Mantal) ಸುಮಾರು 70 ಕಿಲೋ ಮೀಟರ್ ಆಳದಲ್ಲಿ ಉದುಗಿದ್ದ ಆಲಿವಿನ್ ಡಯಾಬೇಸ್ ಅಥವಾ ಆಲಿವಿನ್ ಬಸಾಲ್ಟ್  ಕಲ್ಲಿನ ರಾಶಿ ಮ್ಯಾಂಟಲ್ ನಲ್ಲಿನ ಕೆಲವು  ಅಡಚಣೆಗಳಿಂದಾಗಿ ಭೂಮಿಯ ಮೇಲ್ಮೈ ಮೇಲೆ ಬರುತ್ತವೆ. ಜ್ವಾಲಾಮುಖಿ ಸ್ವರೂಪದ ಗಟ್ಟಿಹುಂಡೆಗಳಂತಹ ಕಲ್ಲುಗಳನ್ನ ಈಗಲೂ ಕೂಡ ನಾವು ಅಲ್ಲಿ ಕಾಣಬ...
ಇನ್ನಷ್ಟು ಓದಿ