ನನ್ನ ಕನ್ನಡ ನಾಡು

-
ನನ್ನ ಕನ್ನಡ ನಾಡು..

ಹಸಿರ ನಾಡಿದು ನನ್ನುಸಿರ ನಾಡಿದು
ಖನಿಜಗಳ ಬೀಡಿದು
ಖಗ-ಮೃಗವು ನಲಿದಾಡುವ ನೆಲವಿದು
ವೀರ ಧೀರರ ಕವಿರತ್ನ ಪುಂಗವರ ಕಂಡ ನಾಡಿದು

/ನನ್ನ ಕನ್ನಡ ನಾಡಿದು/

ಎರೆ ಕೆಂಗು ಮಣ್ಣಿದು ತೆಂಗು ಕಂಗು  ಕಾಫಿಯ ಕಂಪು ಹೊಮ್ಮುವ ನಾಡಿದು
ಧಾನ್ಯಗಳ ಕಣಜವ ಹೊತ್ತ ಸಿರಿನಾಡಿದು
ದಾನ ಧರ್ಮಕೆ ಆತಿಥ್ಯಕೆ ಹೆಸರಾದ ಪುಣ್ಯಭೂಮಿಯಿದು 

/ನನ್ನ ಕನ್ನಡ ನಾಡಿದು/

ದಕ್ಷಿಣ ಗಂಗೆಯು ಜೀವವಾಗಿ ಹರಿದಿಹಳು ನೋಡಿಲ್ಲಿ
ನಾಡಿಗೇ ಅನ್ನ ಪಾನವ ನೀಡಿಹರು ತುಂಗಾ-ಭದ್ರೆಯರಿಲ್ಲಿ
ಸರ್ವಧರ್ಮದವರಿಹರೀ  ಸಾಮರಸ್ಯದ ಗೂಡಲ್ಲಿ... ಕಲೆಗಳ ನಾಡು ದಾಸರ ಶರಣರ   ಶ್ರೀಗಂಧದ ಬೀಡು
/ನನ್ನ ಕನ್ನಡ ನಾಡಿದು /

ಕಾವೇರಿಯಿಂದ ಗೋದಾವರಿಗಿದ್ದ ನಾಡಿದು ಅಷ್ಟ ದಿಕ್ಕಲ್ಲೂ ಪರಭಾಷಾ ಪ್ರಾಬಲ್ಯಗಳ ಕೆಚ್ಚೆದೆಯಿಂ ಎದುರಿಸಿ ಅಚ್ಚಳಿಯದೆ ನಿಂತಿಹುದು ಬೆಳೆದಿಹುದು ಕಟ್ಟಾಳುಗಳ ಬೆವರಿನಲ್ಲಿ  ಬದುಕರಿಸಿ ಬಂದವರ ಕೈಚಾಚಿ ಅಪ್ಪಿಹುದು 
/ನನ್ನ ಕನ್ನಡ ನಾಡಿದು/

ಮಾತಾಡ್ ಮಾತಾಡು ನೀ ಕನ್ನಡ ಎನ್ನಡ ಎಕ್ಕಡ ದವರಿಗೂ ಆಗಬೇಕು ಗಡಗಡ ಸಹಸ್ರ ಕೃತಿಗಳಲಂಕಾರದಿ ಮೆರೆಯುತ್ತಿರಲಿ ಕನ್ನಡ ಗಳಿಸುತ್ತಿರಲಿ ಮಾನ ಸಮ್ಮಾನಗಳ  ಸದಾಭಿಮಾನವಿರಲಿ ಸಂಗಡ
/ನನ್ನ ಕನ್ನಡ ನಾಡಿದು /

ತಾನು ಮೇಲು ನೀನು ಕೀಳೆಂಬ ಕಿತ್ತಾಟದೀ ಗಳಿಸಲೇನಿಲ್ಲವೆಂದು ಅರಿಯಬೇಕಿದೆ ನಾವೂ-ನೀವೂ-ಅವರೂ  ಹೊರಡಬೇಕಿದೆ ಸಮರಸದೀ ಸರ್ವರೂಳು ಸಮತೆಯ ಭಾವ ಜ್ಯೋತಿಯ ಉರಿಸಿ
/ನನ್ನ ಕನ್ನಡ ನಾಡಿದು/

*ಮೆರೆಯುತ್ತಾ ಮೆರೆಸುತ್ತಾ ಕನ್ನಡದ ಕೀರ್ತಿ ಹಾಡುತ್ತಾ ಹೊಗಳುತ್ತಾ ನವ ಭಾವದ ರೀತಿ ಮನೆ-ಮನದಲ್ಲಿ ನಾಡಲುಮೆಯು ಉಕ್ಕಿಹುದು ಇದೇ ನೋಡು ಕರುಣೆಯ ಕರುನಾಡು*

 /ನನ್ನ ಕನ್ನಡ ನಾಡಿದು/

✍️ ನಾಗೇಂದ್ರ ಬಂಜಗೆರೆ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾನನ ಸ್ನಾನ...

-
ಇಮೇಜ್
ಕಾನನ ಸ್ನಾನ.. ಜಪಾನ್ ದೇಶದ ಹೆಸರು ಕೇಳದವರು ಯಾರಿದ್ದಾರೆ??? ಅಂದಾಜು 12 ಕೋಟಿ ಜನಸಂಖ್ಯೆ ಇರುವ ಈ ದೇಶ  ಎರಡನೇ ಪ್ರಪಂಚ ಯುದ್ಧದ ನಂತರ ಫಿನಿಕ್ಸ್ ನಂತೆ ಎದ್ದು ಜಾಗತಿಕವಾಗಿ ವಿಶಿಷ್ಟವಾದ ಅಭಿವೃದ್ಧಿ ಆಲೋಚನೆಗಳಿಂದ ತನ್ನ ಅಸ್ತಿತ್ವವನ್ನು ಮಾದರಿಯಾಗಿ ಉಳಿಸಿಕೊಂಡಿದೆ. ಭಾರತೀಯರ ಜೀವಿತಾವಧಿ ಸರಾಸರಿ 65 ರಿಂದ 70 ವರ್ಷವಾದರೆ ಜಪಾನಿಯರ ಜೀವಿತಾವಧಿ ಸರಾಸರಿ 79 ರಿಂದ 90 ವರ್ಷ.! ಅಣು ಬಾಂಬನಿಂದ ನಲುಗಿದ ನಾಡಿನಲ್ಲಿ ಹುಟ್ಟುವ ಜನ ಅದೆಷ್ಟು ವರ್ಷ ಬದುಕಿಯಾರು?? ಜಗತ್ತಿನದ್ಯಂತ ಮಾತಾಡಿದ ಇಂತಹ ಉಡಾಫೆ ಜನಗಳಿಗೆ ಮಾದರಿಯಾಗಿಯೇ ಇದೆ. ಅವರ ಜೀವನಶೈಲಿ, ವೈಜ್ಞಾನಿಕ ಮತ್ತು ಪ್ರಗತಿಪರ ಆಲೋಚನೆ, ಪ್ರಕೃತಿಯೊಂದಿಗಿನ ಸಾಮರಸ್ಯತೆ  ಜಪಾನೀಯರನ್ನು  ಮತ್ತು ಅವರ ಬದುಕಿನ ಆಯುಷ್ಯವನ್ನು ಭಾರತೀಯರಿಗಿಂತಲೂ, ಇನ್ನಿತರ ದೇಶಗಳಿಗಿಂತಲೂ  ಹೆಚ್ಚಿನ ಮಟ್ಟದಲ್ಲಿ ಸುಧಾರಿಸಿದೆ. ಅಂತದ್ದೊಂದು ಆಚರಣೆಗಳಲ್ಲಿ ಜಪಾನಿಯರು ನಂಬಿರುವಂತಹ ಒಂದು ಪ್ರಕೃತಿ ಚಿಕಿತ್ಸೆ ಎಂದರೆ ಅದು ಅರಣ್ಯ ಸ್ನಾನ. ಅರಣ್ಯ ಸ್ನಾನ ಎಂದರೇ ಪಂಚೇಂದ್ರಿಯಗಳ ಮೂಲಕ ಅರಣ್ಯದ  ಆಗುಹೋಗುಗಳನ್ನು ನೈಜವಾಗಿ ಅನುಭವಿಸುವುದು. ಅಂದರೆ ಹಸಿರು ಸಮೃದ್ಧಿಯ ಅಸ್ವಾದನೆ, ಶುದ್ಧ ಆಮ್ಲಜನಕ ಸೇವನೆ, ಪಕ್ಷಿಗಳ ಕಲರವ ಆಲಿಸುವಿಕೆ ಇತ್ಯಾದಿ.  ನನಗೇನು 90 -100 ವರ್ಷ ಬದುಕುವ ಆಸೆ ಇಲ್ಲವಾದರೂ ಹೆಚ್ಚು ನಡೆಯದೆ ಜಡವಾಗಿರುವ ದೇಹಕ್ಕೆ ಒಂದಷ್ಟು ಕೆಲಸ ಕೊಡಲ...
ಇನ್ನಷ್ಟು ಓದಿ

ಗುಡ್ಡದ ಭೂತ...

-
ಇಮೇಜ್
#ಗುಡ್ಡದ_ಭೂತ  ನಾನು ಉದ್ಯೋಗ ಅರಸಿ ಬಳ್ಳಾರಿಗೆ ಬಂದು ಎರಡು ದಶಕಗಳು ಸಮೀಪಿಸಿವೆ. ಬಳ್ಳಾರಿ ಮೋತಿ ಸರ್ಕಲ್ ನ  ರೈಲ್ವೆ ಟ್ರ್ಯಾಕ್ ಸಮೀಪ ನೈರುತ್ಯ ದಿಕ್ಕಿಗೆ ನೋಡಿದರೆ ದೂರದಲ್ಲೊಂದು ಬೆಟ್ಟದ ಸಾಲು ಕಾಣಿಸುವುದು. ಗಣಿಗಾರಿಕೆ ಉತ್ತುಂಗದಲ್ಲಿದ್ದಾಗ ಅಲ್ಲಿ ಕೇಳಿಸುತ್ತಿದ್ದು ಡೈನಮೈಟ್  ಸದ್ದು, ಕಾಣಿಸುತ್ತಿದ್ದುದು ಕೆಂಧೂಳು, ರಕ್ಕಸ ಲಾರಿಗಳ ಸಾಲು ಒಮ್ಮೆಯಾದ್ರೂ ಅಲ್ಲಿಗೆ ಹೋಗಬೇಕೆನ್ನುವ ಬಯಕೆ ನನ್ನನ್ನು ಸದಾ ಕಾಡುತ್ತಿತ್ತು. ಹೇಳಿಕೇಳಿ ಸುಮಾರು 15 -16 ವರ್ಷಗಳ ಕಾಲ ಅದೇ ಗುಡ್ಡದ ಸಾಲಿನಲ್ಲಿ ನನ್ನ ಕರ್ಮಸ್ಥಳವು ಆಗಿತ್ತು. ಆದರೆ ಅದು ಯಾಕೋ ಅಲ್ಲಿಯವರೆಗೂ ಹೋಗಿ ತಲುಪಲು ಸಾಧ್ಯ ಆಗಲೇ ಇಲ್ಲ. ನನ್ನ ಮಡದಿ ಕುಮುದಾಳಿಗೆ ಆ ಗುಡ್ಡವನ್ನು ತೋರಿಸಿ ಅಲ್ಲಿ ಬೆಳ್ಳಗೆ ಕಾಣಿಸ್ತಾ ಇದೆಯಲ್ಲ ಅಲ್ಲಿಗೆ ಒಂದು ದಿನ ಹೋಗಬೇಕು ಎಂದು ಸದಾ ಹೇಳುತ್ತಿದ್ದೆ. ಒಂದೆರಡು ಬಾರಿ ಕೇಳಿದ ಅವಳು ಮೂರು ನಾಲ್ಕನೇ ಬಾರಿ ಹೇಳಿದಾಗ 'ನಿಮಗೊಂದು ಗುಡ್ಡದ ಭೂತ ಹಿಡಿದಿದೆ' ಎಂದು ಚೇಡಿಸುತ್ತಿದ್ದಳು. ಹೋಗ್ತೀನಿ ಒಂದಲ್ಲ ಒಂದು ದಿನ ನಾನಲ್ಲಿಗೆ ಹೋಗಿಯೇ ಹೋಗುತ್ತೇನೆ ಎಂದು ಹೇಳುತ್ತಿದ್ದೆ. ಒಂದು ವರ್ಷದಿಂದ ಈಚೆಗೆ ಯಾವುದಾದರೂ ಸರ್ಕಾರಿ ರಜೆ ದಿನಗಳು ಮತ್ತು ಭಾನುವಾರ ಎಲ್ಲಿಯಾದರೂ ಹೀಗೆ ಗುಡ್ಡ ಬೆಟ್ಟ ಇಷ್ಟದ ಸ್ಥಳಗಳನ್ನ ಸುತ್ತುವ ಅಭ್ಯಾಸ  ಮಾಡಿಕೊಂಡಿದ್ದೇನೆ. ಜೊತೆಗೆ ಯಾರನ್ನಾದರೂ ಕರೆಯೋಣ ಎಂದರೆ ಬೆಳಿಗ್ಗೆ 4- 5 ಗಂಟೆಗೆ ಎದ್ದು ನನ್ನ ಜ...
ಇನ್ನಷ್ಟು ಓದಿ

ಸಂಗನಕಲ್ಲು ಮತ್ತು ಶಬ್ಧದ ಕಲ್ಲುಗಳು..

-
ಇಮೇಜ್
ನಾ ಕಂಡ ಸಂಗನಕಲ್ಲು.... ಒಂದೆರಡು ದಿನಗಳಿಂದ ಬಳ್ಳಾರಿಯಲ್ಲಿ ಸ್ವಲ್ಪ ಮಳೆ. ಮಳೆ ಎಂದರೇ ಬಿಟ್ಟು ಬಿಡದೇ ಸುರಿಯುವುದಲ್ಲ ಬದಲಾಗಿ ಬರೀ ಬಿಸಿಲು ಗಾಳಿಯಲ್ಲದ ದಿನಕೊಮ್ಮೆಯೋ ಎರಡು ಬಾರಿಯೋ  ಹತ್ತಿಪ್ಪತ್ತು ನಿಮಿಷ ಬಂದೋಗುವ ಸಾಧಾರಣ ಮಳೆ.. ನಮ್ಮ್ ಉಡುಪಿ ಮಂಗಳೂರಿಂನಂತಹ ಕರಾವಳಿ ಭಾಗದಲ್ಲಿ ಎಷ್ಟು ಮಳೆ ಸುರಿದರೂ ಮಳೆ ನಿಂತ ಮರು ಕ್ಷಣ ಮಳೆಯೇ ಬಂದಿಲ್ಲದಂತಹ ಉರಿ ನಮ್ಮ ಬಯಲು ಸೀಮೆಕಡೆ ಇರುವುದಿಲ್ಲ... ಒಮ್ಮೆ ಮಳೆ ಸುರಿದರೆ ಮೂರು ನಾಲ್ಕು ದಿನ ಕೆಸರು  ತಂಪು ಇದ್ದೇ ಇರುತ್ತದೆ. ನಾಳೆ ಸಂಡೇ ಎಲ್ಲಿಗಾದರೂ ಹೋಗೋಣ ಎಂದು ಯೋಚನೆ ಮಾಡಿದಾಗ ನೆನಪಾಗಿದ್ದು ಬಳ್ಳಾರಿಯ ಸಂಗನಕಲ್ಲು. ಹೆಗಲಿಗೆ ಕ್ಯಾಮೆರಾ ಹಾಕಿ, ಗಾಡಿ ಹತ್ತಿ ಹೋಗಿ ಇಳಿದದ್ದು ಸಂಗನಕಲ್ಲಿನ ತಪ್ಪಲಿನಲ್ಲಿ.    ಸುಮಾರು ಮೂರು ಲಕ್ಷ ವರ್ಷಗಳ ಹಿಂದೆ ಜ್ವಾಲಾಮುಖಿಯ ಪರಿಣಾಮದಿಂದ   ನಿರ್ಮಾಣವಾದ  spike ಬೆಟ್ಟವೇ ಈ ಸಂಗನಕಲ್ಲುಗಳ ರಾಶಿ. ಜ್ವಾಲಾಮುಖಿಯಾಗಿ ಗುಡ್ಡ ರಚನೆಯಾದ ಕಾಲದಲ್ಲಿ    ಭೂಮಿಯ ಅಂತರಾಳದಲ್ಲಿ(Mantal) ಸುಮಾರು 70 ಕಿಲೋ ಮೀಟರ್ ಆಳದಲ್ಲಿ ಉದುಗಿದ್ದ ಆಲಿವಿನ್ ಡಯಾಬೇಸ್ ಅಥವಾ ಆಲಿವಿನ್ ಬಸಾಲ್ಟ್  ಕಲ್ಲಿನ ರಾಶಿ ಮ್ಯಾಂಟಲ್ ನಲ್ಲಿನ ಕೆಲವು  ಅಡಚಣೆಗಳಿಂದಾಗಿ ಭೂಮಿಯ ಮೇಲ್ಮೈ ಮೇಲೆ ಬರುತ್ತವೆ. ಜ್ವಾಲಾಮುಖಿ ಸ್ವರೂಪದ ಗಟ್ಟಿಹುಂಡೆಗಳಂತಹ ಕಲ್ಲುಗಳನ್ನ ಈಗಲೂ ಕೂಡ ನಾವು ಅಲ್ಲಿ ಕಾಣಬ...
ಇನ್ನಷ್ಟು ಓದಿ